Молитва преподобной Елене Дивеевской

День памяти : 10 июня (28 мая)

/pages/2260994

/pages/25624640?atlOrigin=eyJpIjoiYzFlYTQyM2U4Njk4NDBkNWFlYTIyY2Y2MDllNjBjZjgiLCJwIjoiYyJ9

/pages/10060012?atlOrigin=eyJpIjoiMDZlMGZiMmQ5NTBhNGRiMWI1M2U0YzRkM2MwNjA1ZDEiLCJwIjoiYyJ9

/pages/25591862?atlOrigin=eyJpIjoiODFhZjA5NzI5OTRiNDI5YTg0YWNiYmUxYTA3ZWU5YzciLCJwIjoiYyJ9

О преподобная и богоносная мати Елено, дивеевская славо и похвало, от огнедышащаго змия, тя поглотити тщавшагося, молитвами ко Господу и девственнаго жития обетованием чудесно избавленная, святым преподобным Серафимом ко иночеству предуготованная и самому Господу уневещенная, начальницею общины девическия избранная, обаче слугою всем смиренномудренно явльшаяся, супротив духов злобы поднебесных выну подвизавшаяся, послушлива даже до смерти старцу твоему бывшая, по словеси его за брата твоего многострадальнаго младою умершая, еще на земли царицу небесную и Христа Господа видевшая и во обители небесныя восхищенная, молися за ны, малодушныя и непослушливыя, да и мы сподобимся благодатного вразумления, скорейшаго исправления и вечнаго спасения. Аминь.

«О Святая новоявленная угодница Божия, Преподобная мати Елено, поминай нас в благоприятных твоих молитвах перед Христом Богом, да сохранит Он нас от искушений, болезней и скорбей, да дарует нам смирение, любовь, рассуждение и кротость, и да сподобит Он нас, недостойных, Царствия Своего. Аминь».

Тропарь, глас 1:

Добродетельми кротости, смирения и воздержания просиявшая, таинственная начальнице Мельничныя Общины в Дивееве явилая еси преподобная мати наша Елено, даже до смерти в совершением послушании Старцу Серафиму пребыла еси и Господа лицезрети сподобилася еси, испроси и нам дерзновение Ему Единому служити во спасение душ наших.

Кондак, глас 5:

В монашестве благочестно поживши и в юных летех путь свой скончавши, послушанием, постом и молитвою вечно-неразлучною к сретению Жениха себе предуготовившая, богомудрая Елено, молим тя: от бед избави нас твоими молитвами, блаженная.