Молитва Пресвятой Владычице нашей Богородице (в день празднования Ризоположения)

Молитва

О, Преблагословенная Дево, Владычице Богородице, зрим ныне залог Твоих милостей к роду христианскому и светло празднуем днесь честныя Твоея Ризы положение, яко благоволила еси в сей Ризе открыть нам тайну благодатной помощи и заступления всем благоговейно к Тебе прибегающим и сердца свои пред иконою Твоею в молитве изливающим. Прими, Всеблагомощная Владычице Богородительнице, сия дары, Тебе Единой прикладныя от нас недостойных рабов Твоих, от всех родов избранная, всех тварей небесных и земных высшая явльшаяся. И ныне, Всепетая Пресвятая Богородице, не престай молящися о нас, еже избавитися нам от всякаго обстояния и навета злых человек Ризою Твоею, и сохранитися нам неврежденным от всякого ядовитаго прилога вражия силою молитв Твоих, яко да Твоим заступлением и благодатной помощию честныя Ризы Твоея спасаеми славу, хвалу, благодарение и поклонение за вся, в Троице Единому Богу и всех Создателю возсылаем ныне и присно и во веки веков. Аминь.

Частица ризы (Покров) Пресвятой Богородицы

Акафист Положению Ризы Пресвятой Владычицы Нашей Богородицы и Приснодевы Марии во Влахерне

Тропарь Положения честной ризы Пресвятой Богородицы