Молитвы святителю Иннокентию

Дни памяти:

13 апреля (31 марта)
10 июня (Сибир.)
6 октября (23 сентября)
18(5) октября (Собор Московских святителей)

Молитва святителю Иннокентию

О, велиий Христов угодниче, святителю отче Иннокентие! Услыши нас, тебе молящихся. Ты веси наша скорби и недуги, слыши воздыхания множества к тебе притекающих: сего ради к тебе, яко отцу нашему, скорому помощнику и теплому молитвеннику, зовем: не остави нас твоим у Бога ходатайством. Мы присно заблуждаемся от пути спасения: руководи нас, милостивый наш наставниче. Мы немощни в вере: утверди нас, правоверия учителю. Мы зело убози сотворихомся добрых дел: обогати нас, благоутробия сокровище. Мы присно наветуемы есмы от враг видимых и невидимых и озлобляеми: помози нам, безпомощных заступниче. Гнев Божий, праведно движимый на ны за беззакония наша, отврати от нас твоим ходатайством у престола Судии Бога, Емуже ты предстоиши на небеси, отче иерарше, архиереев похвало. Услыши, молим тя, великий Христов угодниче, и зде с молением тебе предстоящыя, и вся, на всяком месте тебе с верою призывающыя: и испроси молитвами твоими у Отца Небеснаго всем нам прощение грехов наших и от бед избавление. Ты бо еси свидетельствованный безчисленными чудесы помощник, заступник и молитвенник, и о тебе славу возсылаем Отцу и Сыну и Святому Духу, и ныне и присно, и во веки веков. Аминь.

Молитва вторая

Святче Божий, Пастырю добрый, делателю верный винограда Христова, Святителю отче Иннокентие, призри на град сей и на люди сия! Моли Христа Бога, да сохранит паству твою от волков, губящих ю: да ниспослет Духа Своего Святаго, во еже умудрити нас, ходити пред Ним во всяком благочестии и чистоте во вся дни живота нашего: да славословяще имя его всесвятое во дни и в нощи, сподобимся быти наследницы и жизни вечныя, и прославим Отца, и Сына, и Святаго Духа, ныне и присно, и во веки веков. Аминь.

Тропарь святителю Инноекнтию, глас 3

Светильниче Церкви пресветлый,/ озаривый лучами доброт твоих страну сию,/ и исцеленми многими притекающих к раце твоей с верою/ Бога прославивый,/ молим тя, святителю отче Иннокентие,/ ограждай молитвами твоими град [и храм] сей,/ от всех бед и печали.

Кондак, глас 4-й

Непороности соименнаго пастыря,/ проповедника веры в языцех Монгольских,/ славу и украшение Иркутской паствы,/ любовию восхвалим вси вернии:/ той бо есть хранитель страны сия/ и молитвенник о душах наших.

Величание

Величаем тя, святителю отче [наш] Иннокентие и чтим святую память твою, ты бо молиши о нас Христа Бога нашего.

Иннокентий (Вениаминов), митрополит Московский (†31.03.1879г.)
Акафист Святителю Иннокентию, Епископу Иркутскому, Чудотворцу
Тропарь святителю Иннокентию
Тропарь святителю Иннокентию